مش حقولك حد تاني حكالي عنك
والا اقولك ان صبحي بدا بصورتك
والا والا مش حقولك
دا اللي بيرطب ضلوعي هوه دمك
واللي بيطمن فؤادي همس منك
بس اقولك
ليه يا مصر قلبتي ايتك
ليه سماكي بقت تراب
معجون في ارضك
ليه سرقتي اللقمه من فم الغلابه
وقتلتي ولدك
ليه وليه والاسئله مالهاش اجابه
كل يوم مليون سؤال تايه في غابه
ابتديتيها بحرامي
النهارده بقت عصابه
كـّرت السبحه وخلوكي ملاهي
والملاهي بقت خرابه
كل واحد له حكومه وكل واحد له نيابه
الحكومه ؟
مفيش حكومه
والقانون في ايدين ديابه
كلـّه بيلطـّش في كلـّه
لا قرابه ولا نسابه
*********
كلنا بنرشي واحنا المرتشين
كلنا بنسرق واحنا المسروقين
كلنا بننهب واحنا المنهوبين
كلنا بنهمل واحنا المُهمَـلين
واه يا بلدي يام كل الصابرين
الذهب مبدور في ارضك
وانتي مرميه علي سفح السنين
والتاريخ بيلم شمسك
وانت واقفه في عز طوبه ترجفين
قوليلي مين معاكي
ومين عليكي مين
دانا اللي كنت سيافك ومتراسك
في يوم حطين
وانا اللي عملت خدي مداس تعدي عليه
في ليل تشرين
ولبيت الندا لما طلبتيني
واجيلك تاني لو مره ندهتيني
وعمرك ما ندهتيني
نسيتيني
انا جناح الامل طاير
وفي وتادك ربطتيني
انا قمرك في عز العتمه
برياحك خسفتيني
انا الورده بطين ارضك قطعتيها
وقتلتيني
لكني عمري محسلم
ولا استسلم
بقوة عزمي ويقيني
اظل ادق علي بابك باحلامي
لحد متدمي شراييني
ييخلص من عروقي الدم
ياما ترجعي تاني تضميني
*********
مصر حبيبتي
Sunday, March 28, 2010
Friday, December 25, 2009
Sunday, November 16, 2008
Subscribe to:
Posts (Atom)