اغنيه لمصر

اغنيه لمصر
بقلم : TAGOLAY

للـّي يا للـّي يا للـّي يا للـّي
ياللا علي الارغول وقوللي
للـّي يا للـّي يا للـّي يا خللي
ليه ارضنا خضرا تمللي
للـّي يا للـّي يا شمسي وضللي
ليه الجناين تطرح الفلـّي
للـّي يا للـّي يا جبين بصللي
ليه الصحاري نقشها توللي
والشط متجللي
والقعده بتسللي
يا عروسه ننوسه
كل ما تضلـّم تهلـّي
****************
يا شمس عربية
يا سمرا مصرية
عالارض اغنية
وفي السما اية وامنيه
لو انولها راح احللي
*********************
يا ورده فواحة
احكيلي بصراحه
ليه لما نتغرّب ونروح بعيد نقرب
واذا كان هنا اعجب هواكي ليه يغلب
ومدام هوانا عليل ليه نسمتك ارطب
وفضاكي ليه ارحب
وسماكي بترحـّب
**********************
سؤالات وحيرانه اجابتها ويانا
مانتي اللي ربيتي
وسهرتي واديتي
ولو الزمن ينسي انتي اللي فاكرانا
في شبابنا في صبانا
لنجاحنا فرحانه
نغلط مسامحانا
بنروح منين ما نروح
انتي يا مصر الروح
مزروعه جوّانا
***********************