الحصاد المر

الحصاد المر

خمسين سنه..........وانا بسمعك
بتقول......كلام
ولا شفت غلـّة...حقيقة او حتي
في......... منام
كل اللي شفته سراب......ضياع
تخاريف.. صيام
ترجع تقولي............. واصدقك
واسمع......وانام
وبقيت.......ودان
وعنين مبحلقه في الهوا
وماليش.... لسان
مش برضه يبقي الضرب في الميت
حرام
**************
مكتوب عليه
اشوف............ سعادتك كل يوم
اليوم ده بتقابل فلان
وبكره ..بتكلم زبون
اصلا وجودك ...... في حياتي
مالوش......... لزوم
ومن القرف........ لا انا صاحي
ولا بيجيني...... نوم
تسمح ...........تقوم
اللي في.......... حاشية حضرتك
غربان......... وبوم
***********
ومدام لزقت
بصمغ........... وبجالونين غرا
وعلينا... سقت البغددا والغندرا
انا ليك بقيت المشكله
ومعادله صعبه ومساله
وحلها....... لا بينكتب ولا بتقرا
اطلع لقدام خطوتين
ترجع........... تجرجرني لورا
الخلق تقعد حبتين
وانت اللي......... لابد في الدرا
***********
عقدتها وحلولها........ سهله ميسره
متجربه ومضبـّطه ...... عالمسطره
قوانين بلا استثناء واضحه وحاضره
مفيهاش نصوص متوضبه ومتفصله

علي شلة التهليب.. ومجلس مسخره