Tuesday, May 13, 2008

مات الولد

مات الولد
محمد جمال الــدّ ره
TAGOLAY


ملعونه.......................... ام المفردات
ملعون ابو الدمع اللي عجـّز من السـّكات
ملعون بيانات التشرزم والتنطع
ومصمصة الشفايف............... والاهات
*****************
مــــات الولد
وكل ذنبه في دنيته انه اتولد
علي صدر ابوه
وحتي بيـّه......... هم انحصد
فضوها سيره وارحلوا
وكفايه ....................ضيعتوا اللي فات
****************
مـــات الولد
من غير........ سلاح
يا امه ادمنت الجراح
وسلاحها متشحـّم
ومتلمـّع لطوابير الصباح
وحماية اصحاب الجلاله
والفخامه والسياده
وديكور ليالينا الملاح
**************
مــــات الولد
وبدم بارد عالهوي
اتصوب............. وطاح
يا امه عرضها مستباح
يا ارض امنها مستباح
يا شعب دمك مستباح
*************
مات الولد
ونبت مكانه ميت ولد
واتفرعوا .. غابة ولاد ..... زي الشجر
وشرار بيسري جوه ارض المسلمين
رعد .......وقدر
سلاحه لحم ودم وشوية دموع
معجونه بتراب الحرم
تصبح .................حجر
سلاحه ميت مليون حجر
*************
اه يا بشر
يا فاقدي التمييز
معدومي الضمير
بتساووا بين النصل والجرح الكبير
بتساووا بين الوحش والحمل الغرير
عالم عصابه ومنطقه منطق ديابه
ومرجعه ...............مرجع ضرير
**************
مـــات الولد
من غير....... وداع
وبدت نهايات الصراع
من جوف ظلام الليل
لقي القارب.... شراع
طريقه للاقصي شهاده
والدرب للقدس انتفاضه
والرايه خفاقه
في ايد بليون دراع***********

No comments: