تجـّار الاوهام

تجـّار الاوهام
بقلم : TAGOLAY

لو كان كلامكم مر علقم
حبلعه واصبر عليه
وان كان طريقكم نار وشوك
حستحمله واعرف تاليه
لكن كلامكم …… مش كلام
ومالوش جدورولا في المنام
…… تخاريف صيام
تطلع عليه شمس النهار
تنسوا اللي فيه
****
قوانين تلاهي دايبه
ماتت من زمان
والباقي لجل تطبقه
محتاج لمليون ترجمان
واللي سبق
اكل النبأ
واللي بقي
دمه اتحرق
ماهو حبه تركي وشئ
فرنسي وكملوها الامريكان
فيه ناس بتركب عالقانون
وناس بيدهسها القانون
وناس كتير مالهاش مكان
*****
واقولك ايه وتقوللي ايه
هنا عجنـّا التكنولوجيا بالتكنوفول
دساتير خلاصه اخر مياصه وفتس اول
تنفع شمولي طبعا اكيد
وراسمالي كده في الوريد
تصميم محلي شغال تمللي
وقوللي ياللي مهما تقول
******
وتعالي فكر مجلس وقاعد
من غير قواعد مجلس موقر
نوابه تحفه تصحي تسقف وتنام تشخر
بيمثلونا لاقصي حد
وبيخدمونا بهات وخد
مجلس مسيطر
وشعاره دايما طريقك اخضر
****
واسمع يا صاحبي اخر كلامي
وماتنسهوش
لو جاك في يوم تصريح مزوق
متقبلوش
وان شفت يوم سمك في ميه
ماتشتروش
امسك بايدك وشوف بعينك
ولسه برضه
متصدقوش
******