مخطوفه مع سبق الاصرار

مخطوفه مع سبق الاصرار
بقلم : TAGOLAY
بحبك ........... وبيني وبينك كلام
وود وخصـام .......
واخد وعطا
ويمـكن اقـولك . ويمـكن مقـولشـي
عن اللي في دروبك بييجي ويمشي
عن اللي علا فيكي .
واللي وطا
ساعات تبقي جنه ومفروشه حنه ....
وستر وغطا
واشوفك مهاجره من الكون وصابره
علي المرمطا
وحفضل احبك بشمسك وضلك
بحلوك ومرك لاخر الخطا
*****
ورغم اني فرخه في عشه ودايخه
مابين جلادينك
وبين. جزارينك
محاوطك عصابه ديابه في غابه
دا يخطف . ولادك
دا ينتف في ريشك
لكني بحبك ……..
*******
بزمني اللي ضايع
وعمري اللي امسي شوارع شوارع
ورغم اللي حاكمك
يا مأفون ............يا صايع
بيقسم ولادك ….. لمربوط ....وبايع
ومين اللي يفهم.....مفيش حد سامع
*****
بحبك وحبك............ ملان ذكريات
في حبك بلاقي...... كتير ملحوظات
ساعات تيجي.. مني
لكن غصب عني
ويمكن تجيلك.. في جيل تاني ات
جيل رافع سيوفه مرصص صفوفه
ومبطل سكات
جيل عارف يقولها
وبدمه يصونها
مش لأ دول لاأات
جيل داس جوه خوفه
شال روحه بكفوفه
قالعين البراقع
يصرخ بكره راجع
رافعين الرايات
********