خواطر في الغربة

خواطر في الغربة
بقلم : TAGOLAY


لمـّا اخدني الشوق
وطار بي لفوق وخدني علـّي كان
لما انفتح قلبي الصغير
جرح ينزف شئ نسيته من زمان
لما الدموع صبحت كلام
والرؤيا صارت في المنام
عديت وجيتلك يا مريه يا اسكندريه
ياللي رملك زعفران

*******************
واسمع..... يا عمـّي
والقلم ملـّيته من دمي
يكتب خطوط.... وسطورمليانه حنيـّه
علي صبيه حوريه...... عالشط بنـّيه
ولاف عليها جدع اسمر بيعشق الميـّه
ميـّه قويه وعفيـّه
والموج ملوهش امان

*********************
واسمع...... يا عمـّي
دا هم جديد علي همـّي
وانا الـّلي دمعي وبكايا
بل توب امي
امي بهيـّه ..........صفصافه بوادي النيل
تطرح ضفاير ذهب ...علي الغيطان مواويل
نغمها بكـّي السواقي الدايره جيل ورا جيل

**********************
واسمعني ياللي............... تركت الاهل والخلان
وطلعت تضرب في بحر......... لا موج ولا شطأن
حتي المنار انطفأ والريح عدم والصمت كان سجان
الغربه غربه يا صاحبي........... والعشيره امان

**********************
يامه......... اسمعيني
دانا كلامي دموع عيني
وعلميني الكلام....... من تاني واحييني
ودوقيني زلال نيلك انا العطشان وارويني
قومي اغزليلي من غيطانك توب يدفـّني
انا ابنك اللي بيجري اسمك في شراييني
وانتي اللي جوه كياني... جزئ من ديني
انا ابنك اللي بنادي عليكي
يامه جاوبيني

**************