صورة كاريكاتيريه

صورة كاريكاتيريه
الشارع
TAGOLAY بقلم :

عــم ابــو فــروه
جــه عــلــي ســهــوه
وفتح قهوه علي نص رصيف
وابو احمد لابس بصاصه
وعنيه يندب فيها رصاصه
مش راحم حد من التصنيف
واهــل الــتــنــظــيــم
عــايــشــيــن فـي نــعــيــم
وبيقروا جرايد في التكييف
**********
شوّارنا عقله متنور
بيعس علي حلول ويدور
ولقالها حل بسيط وظريف
فما دام التل توار مشغول
والشارع بقي حيص بيص علطول
يبقي نشغل ام التلافيف
نعمل مالخلق تلات تنصاص
***************
النص الاول
في القهوه قاعد ملزوق
والنص التاني
في المصنع شغال مزنوق
والتالت
قايم نايم جواّ البيت
والجو لطيف
ونهايته حيفضي الشارع
من كل الحركات
وفي مرحله لاحقه
ممكن نلغي العربيات
واهل التنظيم يقضو حياتهم
كلها تصييف
قلتله والله فكره عظيمه
فكره معتبره ولئيمه
جايه من راس واحد حريف*******