لا كفاية

لا كفاية
TAGOLAY بقلم :

من بعيد قلبك ناداني قـالـلـي فيـنك من زمان
قلت تاني جرح تاني لســه حـنعيـد اللي كان
من سهر ومرار وغيرة
والدمـوع ويـاها حـيـره
لا حبـيـبـي لا كفـأيـه جرح تاني ملوش مكان
******************
رد قلبي قال يا غالي..... الهوي ده راسمالي
ياما سهـّرت النجوم.... ياما جرحتني الليالي
كنت يوم جيـت واشتكــيتلك
والا من الشوق جيت بكيتلك
مش بكيفك ده مصيري امر احكم فيه لحالي
************************
ممكن اعشق من جديد حتي دقاتي تزيد
كل همسه كل لمسه كل لحظه بالف عيد
نظره.....في عيونها بتروي
بسمه شمس الصبح تضوي
الكلام ده قرار نهائي والكلام ده كلام اكيد
************************
النهارده ازاي حالك.. احكي فضفض ايه جرالك
الدموع من الفرح تجري بس دمعك بحكي حالك
اتغدر بيك..... واتلعببك
طب ميبقي الذنب ذنبك
مش بقولك خلي بالك فوق بقي ميللي في خيالك
******************
من رموش.............. تدبح وتسحر
او قلوب ................ فاضيه بتأسر
او في بحر ملوش قرار تنزل وتبحر
ليله........مطلعلوش نهار
والنهار كله مراره وانتظار
حتي لما الشمس تيجي نورها اسمر
*********************
داري جرحك.............. وانسي كل الذكريات
عيش في يومك دوس علي الماضي اللي فات
اللي دبـّل كل..........وردات الربيع
واللي باع بتمن رخيص خليه يبيع
واللي طعنك يوم وقتلك بكره يعرف انه مات
**********************