محكمة

محكمه

TAGOLAY


يا معدي علي بيرزيت
عالجامعه ابدر سلامات
وفرق عالاهل الشربات
دي طيور النور
رجعت تاني
قاعدتهم غير كل القعدات
وكلامهم غير كل الكلمات
*******************
قالوها ولا حسبوش حسابات
قالوها...... ماقروش نظريات
قالوها.. من غير لوغاريتمات
قالوها...... بالفعل يا حضرات
*******************
عصافير عزل من غير
لا ذخيره ولا بنادق من غير خوذات
ببساطه وبقلوب خضرا
بيدو الدرس لتجار الشعارات
رجاله واولاد رجاله
نتعلم منهم بديهيات
نتعلم ان
الحد بحد
والكلمه برد
مفيش فيها...... اجتهادات
****************
واسمحلي........ يا سيد جوسيبان
المنطق عندك............ فيه قولان
منطق معيوب...... محتاج لميزان
طبقا لكلامك مسيو ديجول
كان ارهابي ضد الالمان
والناس في فرنسا
تلم بناتهم للغاصب كائن من كان
****************
انا اسف يا مسيو جوسيبان
مش قادر اوصف
معني لكلامك غير الهذيان
ذاك لانه ببساطه
صادر ارض
واهتك عرض
واهدر تاريخ الاوطان
ولان طيور النور
عصفور عصفور
لا تعرف........ لف ولا دوران
ولا بتخبي الحكم في سوليفان
فاعذرهم.... يا سيد جوسيبان
ان قامو عليك بحد الرجم
لانك زاني.... بحقوق الانسان
*****************